काठमाडौं। चीनको वुहान शहरबाट कोरोनाभाइरसको संक्रमण फैलिन सुरु भएको भए पनि अहिले त्यहाँको हालत पहिलेभन्दा धेरै सुधार भएको छ । यससँगै चीन सरकारले लकडाउनलाई खुकुलो पार्दै गएको छ । यही बीच चीनको एक फ्याक्ट्रीका केही तस्वीरहरु सार्वजनिक भएका छन् । यहाँ मानिसहरु अनौठो खेल खेलिरहेको देखिएका छन् । यो खेलको नाम किसिङ कन्टेस्ट दिइएको छ ।

यो किसिङ कन्टेस्टका तस्वीर सामाजिक संजालमा निकै भाइरल भइरहेका छन् । यस विषयमा युजरहरुका विभिन्न किसिमका प्रतिक्रिया आइरहेका छन् । चीनको सुजौ शहरको यो फ्याक्ट्रीमा कर्मचारीहरुले पुनः काम सुरु भएको खुसीयाली मनाउन यस्तो गरेका हुन् । फ्याक्ट्री खुलेको खुसियालीमा गरिएको यो प्रतियोगितामा कर्मचारीहरुले एक अर्कालाई किस गरे । यद्यपि यस क्रममा कर्मचारीहरुको बीच सिसा राखिएको थियो ।