वाशिङटन। अमेरिकी राष्ट्रपति डोनाल्ड ट्रम्पले उत्तर कोरियाली नेता किम जोंग उन गम्भीर बिरामी भएको खबर झुटो भएको बताएका छन् । उनले झुटो खबर फैलाएको भन्दै सीएनएनको आलोचना गरेका छन् । सिएनएनसँग ट्रम्पको सम्बन्ध पहिलेदेखि नै राम्रो छैन । अहिले फेरि ट्रम्प सिएनएनमाथि आक्रामक रुपमा प्रस्तुत भए ।

बिहीबार ह्वाइट हाउसमा नियमित प्रेस ब्रिफिङमा ट्रम्पले भने ‘मलाई लाग्छ यो रिपोर्ट गलत हो । मैले थाहा पाएअनुसार उनीहरुले समाचारको लागि पुराना दस्तावेजको प्रयोग गरे ।’ यद्यपि ट्रम्पले किम ठिक भएको भन्ने प्रस्ट जानकारी पनि आफूसँग नभएको बताए । राष्ट्रपति ट्रम्पले किमसँग तीन पटक भेटघाट गरिसकेका छन् ।