नयाँ दिल्ली । चर्चित भारतीय अभिनेता ऋषि कपूरकोे अन्त्येष्टि गरिएको छ । उनको मुम्बइको चन्दनवाडीस्थित आर्यघाटमा अन्तिम संस्कार गरिएको हो ।

६७ वर्षका कपूरको विहीबार विहान पौने ९ बजे निधन भएको थियो । अन्तिम संस्कारमा २० जना सहभागी भएका थिए । जसमा परिवारका सदस्य बाहेक अन्य केही नातेदार सहभागी थिए ।

अन्तिम संस्कारमा नीतू कपूर, रणबीर कपुरका साथै सेफ अली खान, करीना कपुर, आलिया भट्ट, अभिषेक बच्चन उपस्थित थिए । ऋषिकी छोरी रिद्धिमा कपुर साहनी लकडाउनका कारण अन्तिम संस्कारमा उपस्थित हुन पाइनन् ।