बिदेशमा बस्ने बाग्लुङबासीबाट बाग्लुङ अस्पताललाई १० लाखको सामाग्री

डिसी नेपाल

१९ वैशाख २०७७ २:५४

काठमाडौं । कोरोना संक्रमित देखिएको नेपालको पहिलो जिल्लाबाट बाग्लुङ हो भने निको भएर घर फर्कने कोरोनाका विरामी पनि बाग्लुङकै हुन् । यस जिल्लामा अन्य संक्रमित पनि देखिएपछि जिल्लामा रहेको धौलागिरी उपप्रादेशिक अस्पतालमा पिपिईको अभाव रहेको समाचारमा आइरहेको थियो । यो समाचार थाहा पाएपछि बाग्लुङ जिल्लाबाट बिदेशमा रहेका बाग्लुङबासीहरूले पिपिई खरिदका लागि अस्पताल व्यवस्थापनसगँ सम्पर्क गरी कुल १० लाख ३१ हजार बराबरको पिपिई लगायत अन्य सामाग्रीका किनेर पठाएका छन् । यसका लागि विभिन्न देशमा गठन भएका बाग्लुङ समाज र गठन नभएका देशमा व्यक्तिगत तवरले रकम संकलन गरी सामान किनेर विहिबार एक कार्यक्रमका बीच हस्तन्तरण गरिएको छ ।

यसरी संकलित रकममा बेल्जियमबाट सूर्य हमालले १ लाख ३० हजार ,कतारबाट राज रेग्मीले १ लाख, बाग्लुङ समाज (जापान) १ लाख, बाग्लुंग युवा समाज (अष्ट्रेलिया) १ लाख, बाग्लुंग समाज (कोरिया) ७५ हजार,बाग्लुंग सेवा समाज (कतार) ७० हजार, बाग्लुङ समाज (स्पेन) ५० हजार, बाग्लुङ समाज (पोर्तुगल) ५० हजार, बाग्लुङ समाज (बेल्जियम)स्( ५० हजार ,बाग्लुङ सेवा समाज (युएई) ५० हजार, बाग्लुङ समाज (क्यानडा) ५० हजार, नवराज पन्त (अमेरिका) बाट ५० हजार, बाग्लुंगे साथीहरु (बेलायत) ५० हजार ,बाग्लुंग सेवा समाज (मलेसिया) ३० हजार, बाग्लुंगे साथीहरु (जर्मनी ( राजेश के. सी.,दीपक खत्री, कृष्ण रिजाल, कृष्ण ढकाल र पदम के सी) बाट ३० हजार, राजन गौचन र बिष्णु गौतम (नर्वे) बाट २० हजार, बिक्की सापकोटा (बेलायत)१५ हजार, प्रेम गौतम (स्विडेन)बाट ११ हजार ,ज्योति अधिकारी (फ्रान्स)बाट १० हजार गरी कुल १० लाख ३१ हजार रकम जम्मा भएको हो ।
यसरी संकलित रकम स्पेनमा रहँदै आउनु भएका गोबिन्द सुबेदीले अस्पताल व्यवस्थापनले सामान खरिद गरेपछि रकम बुझाइदिनु भएको हो । हस्तन्तरण कार्यक्रममा बोल्दै अस्पताल व्यवस्थापन समितिका अध्यक्ष केबी रानाले सम्पुर्ण सहयोगीहरूलाई धन्यबाद व्यक्त गर्नु भयो ।