काठमाडौँ । कोरोना भाइरस (कोभिड १९) को केन्द्रबिन्दू बनेको संयुक्त राज्य अमेरिकामा एकै दिन ३६ हजार बढी संक्रमित थपिएका छन् ।

यो सँगै अमेरिकामा कोरोना संक्रमितको संख्या ११ लाख ३१ हजार ३० पुगेको छ।

संक्रमितमध्ये ६५ हजार ७५३ जनाको ज्यान गइसकेको छ भने १६ हजार ४८१ संक्रमितको गम्भीर अवस्थामा उपचार भइरहेको वल्डोमिटर्सले जनाएको छ ।

विश्वमै सबैभन्दा धेरै संक्रमित र धेरैको ज्यान गएको अमेरिकामा धेरै संक्रमित निको पनि भएका छन् । कोरोना संक्रमित मध्ये हालसम्म १ लाख ६१ हजार ५६३ संक्रमित उपचारपछि घर फर्किसकेका छन् ।