काठमाडौँ । खाडी मुलुक साउदी अरेबियामा कोरोना (कोभिड १९) संक्रमितको संख्या २५ हजार ४५९ पुगेको छ । पछिल्लो २४ घण्टामा साउदीमा १ हजार ३६२ नयाँ कोरोना संक्रमित थपिएका छन् ।

यसअघि शुक्रबार पनि साउदीमा १ हजार ३४४ जना संक्रमित फेला परेका थिए।

साउदी अरेबियामा हालसम्म १७६ संक्रमितको ज्यान गइसेको छ । शुक्रबार र शनिबार ७–७ जना संक्रमितको ज्यान गएको थियो ।

साउदी अरेबियामा संक्रमित मध्ये ३ हजार ७६५ जना उपचारपछि घर फर्किसकेका छन् ।

हालसम्म साउदीमा ३ लाख ३९ हजार ७७५ को कोरोना परीक्षण भएको छ ।
उक्त परीक्षणमा ३४ जना नेपाली कोरोना संक्रमित फेला परेका छन् । संक्रमित मध्य केही नेपाली सफल उपचारसँगै कामममा फर्किसकेका छन् ।