काठमाडौँ । छिमेकी मुलुक भारतमा पछिल्लो २४ घण्टामा अहिलेसम्मकै धेरै कोरोना संक्रमित फेला परेका छन् । पछिल्लो २४ घण्टामा २ हजार ८०६ जना नयाँ कोरोना संक्रमित थपिएका छन् । भारतमा एकै दिन थपिएको कोरोना संक्रमितको संख्या यो सबैभन्दा धेरै हो । शनिबार भारतमा २ हजार ४४२ संक्रमित थपिएका थिए ।

हालसम्म भारतमा ४२ हजार ५०५ जना कोरोना संक्रमित भएका छन् । जसमध्ये १ हजार ३९१ संक्रमितको ज्यान गएको छ । आइतबार मात्रै भारतमा ६८ जना संक्रमितको ज्यान गएको थियो।

कोरोना संक्रमित मध्ये ११ हजार ७७५ जनाको उपचार सफल भएको छ ।

भारतमा हालसम्म १० लाख ४६ हजार ४५० को कोरोना परीक्षण गरिएको छ ।

विश्वभर कोरोनाको संक्रमण र मृत्युदर घटिरहेका बेला भारतमा भने बढ्दै गएको छ।

विश्वभर पछिल्लो २४ घण्टामा ३ हजार ४८१ संक्रमितको ज्यान गएको छ ।