काठमाडौँ । छिमेकी मुलुक भारतमा पछिल्लो २४ घण्टामा १११ संक्रमितको ज्व्यान गएको छ। यो सँगै भारतमा कोरोनाको संक्रमणबाट ज्यान गुमाउनेको संख्या २ हजार २१२ पुगेको भारतीय सञ्चारमाध्यमहरुले जनाएका छन् ।

यस्तै, आइतबार भारतमा अहिलेसम्मकै धेरै कोरोना संक्रमित फेला परेका छन् । आइतबार मात्रै भारतमा ४ हजार ३५३ जना नयाँ कोरोना संक्रमित फेला परेको वल्डोमिटरले जनाएको छ ।

भारतमा २४ घण्टामा भेटिएका संक्रमितको संख्या यो अहिलेसम्मकै धेरै हो। यो सँगै भारतमा कोरोना संक्रमितको संख्या ६७ हजार १६१ पुगेको छ ।

संक्रमितमध्ये २० हजार ९६९ जना उपचारपछि घर फर्किसकेका छन् ।