काठमाडौं। भारतले नेपाली भूमिभित्र सडक निर्माण गरेको भन्दै क्षत्री समाजले आपत्ति जनाएको छ।

इतिहास देखि नै नेपाल र भारतबीच सुमधुर सम्बन्ध भएपनि भारतले विगतदेखि नै तराई क्षेत्र र पश्चिमी क्षेत्रको कालापानी, लिपुलेक र लिम्पियाधुरालगायत भूभाग अतिक्रमण गर्दै आएको दुई देशबीचको सम्बन्धमा भावनात्मक असर पर्दै आएको क्षेत्री समाजले जनाएको छ।

बुधबार एक विज्ञप्ति जारी गर्दै समाजले भनेको छ, ‘लामो समयदेखि विभिन्न क्षेत्रमा समिा रेखालाई नाघेर भारतीय पक्षबाट नेपाली भूभागमाथि कब्जा जमाउने, नेपालीलाई आफ्नो घरबाट खेद्ने, सीमा क्षेत्रमा अग्ला बाँधहरु ठड्याएर नेपाली भूभागलाई डुवानमा पार्ने जस्ता अत्यन्त अमानवीय, दुव्र्यवहारपूर्ण र खेदजनक कार्यहरु हुँदै आएका छन्।’

क्षत्री समाजले कोरोना भाइरसबाट विश्व नै आक्रान्त भइरहेका बेला भारतले नेपाली भूमि कालापानी, लिपुलेक हुँदै चीनका सिमानासम्म सकड निर्माण गरी उद्घाटन गर्नुले राष्ट्रवादी नेपालीलाई आन्दोलित बनाएको जनाएको छ।

क्षत्री समाजले जारीगरेकाे विज्ञप्तिमा भनिएकाे छ, ‘भारतले सन २००८ देखि नै सडक निर्माण शुरु गरि सम्पन्न समेत गरेर उद्घाटन गरिसक्दाको अवस्थासम्म पनि नेपाल सरकारको ध्यानाकर्षण हुन नसक्नु जस्तो गैर जिम्मेवारी एवँ नालायकीपनप्रति क्षत्री समाज नेपाल घोर आपत्ति प्रकट गर्दछ। साथै विस्तारवादी भारत सरकारको उक्त कदमप्रति घोर भत्र्सना गर्दछ ।’