काठमाडौं। नेपालमा मंगलबार ५७ जना संक्रमित थपिएका छन् । यो संख्या एकै दिनमा संक्रमित थपिएको अहिलेसम्मकै उच्च हो । स्वास्थ्य तथा जनसंख्या मन्त्रालयका अनुसार, पर्सामा मात्रै ३९ जना थपिएका छन् । थपिएका संक्रमित सवै पुरुष हुन् ।

कपिलवस्तुमा ८, रुपन्देहीमा ९ र बारामा एक जनामा संक्रमण पुष्टि भएको मन्त्रालयले जनाएको छ । यो सँगै, नेपालमा संक्रमित संख्या १९१ पुगेको छ । यस मध्ये ३३ जना बिरामी निको भएर घर फर्किएका छन् ।

सोमवार थपिएका २४ जना मध्ये १६ जना कपिलवस्तु, ६ जना रुपन्देही, १ जना बर्दिया र १ जना सप्तरी जिल्लाका रहेको स्वास्थ्य मन्त्रालयले जनाएको छ।

खासगरी भारतबाट लुकीछिपी सीमावर्ती क्षेत्रमा मानिस भित्रिएका विवरणमाझ कतिपय सीमाक्षेत्रस्थित जिल्लाहरूमा सङ्क्रमितको सङ्ख्या बढ्दै गएको छ।