काठमाडौं। भारतीय र चिनियाँ सैनिकबीच सिक्किममा भिडन्त भएकै बेला भारत चीन सीमाकै लद्दाख षेत्रमा पनि अर्को घटना भएको थियो । सोही समय लद्दाखमा चिनियाँ हेलिकप्टर लाइन अफ कन्टेल षेत्रमा प्रवेश गरेका थिए । समाचार एजेन्सी एएनआइका अनुसार चिनियाँ हेलिकप्टर भारतीय एयरस्पेसमा प्रवेश गर्न खोजेपछि भारतीय वायुसेनाले पनि त्यस क्षेत्रमा लडाकू विमान पठाएको थियो ।

उत्तरी सिक्किमको नाकू ला क्षेत्रमा भारतीय र चिनियाँ सैनिकबीच भिडन्त भएको थियो । भिडन्तमा दुवैतर्फका सैनिक घाइते भएका थिए । सेनाको सूत्रका अनुसार यस क्रममा दुवै तर्फका सैनिक निकै आक्रामक रुपमा प्रस्तुत भएका थिए । यअघि ५ र ६ मेमा पूर्वी लद्दाखमा पनि दुवै तर्फका सैनिकबीच भिडन्तको स्थिति आएको थियो ।