काठमाडौँ । कोरोना भाइरस (कोभिड १९) को केन्द्रबिन्दु बनेको अमेरिकामा पछिल्लो २४ घण्टामा मात्रै ३४ हजार ५२१ जना निको भएर घर फर्किएका छन् । अमेरिकामा एकै दिन कोरोना निको हुनेको संख्या यो सबैभन्दा धेरै हो ।

पछिल्लो २४ घण्टामा अमेरिकामा कोरोना संक्रमित भन्दा निको हुनेको संख्या ११ हजारले बढी छ।

यो सँगै अमेरिकामा कोरोना निको हुनेको संख्या २ लाख ९६ हजार ७४६ पुगेको छ।

मंगलबार अमेरिकामा २२ हजार ८०२ जना नयाँ कारोना संक्रमित फेला परेका छन्। यो सँगै कोरोना संक्रमितको संख्या १४ लाख ८ हजार ६३६ पुगेको वल्डोमिटरले जनाएको छ।

संक्रमित मध्ये ८३ हजार ४२५ जनाको ज्यान गएको छ । मंगलबार मात्रै अमेकिरामा १ हजार ६३० जनाले ज्यान गुमाएका छन् ।