काठमाडौँ । नेपालमा आज फेरि थप ३ जनामा कोरोना पुष्टि भएको छ । यसअघि आजै ६ जनामा कोरोना पुष्टि भएको थियो ।

यो सँगै नेपालमा कारोना संक्रमितको संख्या २७६ पुगेको स्वास्थ्य तथा जनसंख्या मन्त्रालयले जनाएको छ।

प्रादेशिक प्रयोगशाला भैरहवामा गरिएको कोरोना परीक्षणमा कपिलवस्तुको शिवराज नगरपालिका चन्द्रौटा निवासी, २५, ३४ र ४४ वर्षका पुरुषहरु रहेको स्वास्थ्य तथा जनसंख्या मन्त्रालयले जनाएको छ ।

यसघि फेला परेका ६ जना बर्दियाको नार्खु–११ निवासी २८ वर्षीय महिला, सिरहाको सखुवा–१९ निवासी ३० वर्षीय पुरुष, पर्साको वीरगन्ज निवासी २८ र २९ वर्षीय पुरुष, सर्लाहीको रामनगर–४ निवासी १८ वर्षीया महिला र चितवनको गढौली–१ निवासी २५ वर्षीय महिला रहेका थिए ।

शुक्रबार १८ जनामा कोरोना पुष्टि भएको थियो।

कोरोना संक्रमित मध्ये ३६ जना संक्रमित उपचार पछि घर फर्किसकेका छन् ।