नागढुंगामा डाक्टरमाथि दुर्व्यवहारः ‘तेस्रो कार्की’ पनि अनुसन्धानको दायरामा
काठमाडौं। बाग्मती प्रदेशको जनस्वास्थ्य प्रयोगशालाका निर्देशक डा. नारायण कार्कीमाथि काठमाडौं प्रदेश गर्ने क्रममा एक युवकले नागढुंगा नाकामा दुर्व्यवहार गरेको भिडियो भाइरल भएपछि यो काण्ड निकै चर्चित बन्यो । यो घटनामा दुर्व्यवहार गरेको अभियोग लागेका युवकलाई प्रहरीले पक्राउ गरिसकेको छ । उनीविरुद्ध दुर्व्यवहार मुद्दा चलाउने तयारी भइरहेको प्रहरीले जनाएको छ ।
यो घटनाको एउटा रोचक पक्ष के पनि थियो भने डा. कार्कीमाथि अभद्र व्यवहार गर्ने आफूलाई स्वयंसेवक भन्ने युवा पनि कार्की थरकै थिए । प्रहरीले दुर्व्यवहार अभियोगमा उत्तम कार्की नामका युवालाई पक्राउ गरेको छ । अहिले त्यो घटनामा अझै अर्को ट्वीस्ट आएको छ । उत्तर कार्कीले डा. नारायण कार्कीसँग अभद्र व्यवहार गरिरहेका बेला त्यहाँ एक जना सुरक्षाकर्मी पनि कार्की थरकै रहेको र उनै कार्की थरका सुरक्षाकर्मीले दुर्व्यवहार भएको देख्दादेख्दै पनि त्यसलाई नरोकेर अभद्र व्यवहारमा प्रोत्साहन गरेको हुन सक्ने देखिएको छ ।
छेउमै रहेर पनि केही नगरी सबै दृश्य हेरिरहेका ती सुरक्षाकर्मी पनि दुर्व्यवहार गर्न उक्साएको आरोपमा अनुसन्धानको दायरामा तालिलने भएका छन् । घटनाबारे छानबिन गर्न महानगरीय प्रहरी कार्यालय, रानीपोखरीले एसपी सन्तोषसिंह राठौर र इन्स्पेक्टर विष्णु बस्यालसहितको छानबिन समिति गठन गरेको छ । यो समितिले कार्की थरका सुरक्षाकर्मीको व्यवहार दुर्व्यवहारको लागि उक्साउले खालको भए नभएको अनुसन्धान गर्नेछ ।
Facebook Comment