काठमाडौं। भारतको जम्मु कश्मीरको पुलावामामा भारतीय सुरक्षा बलमाथि आतंकवादी आक्रमण भएको छ । सीआरपीएफ र जम्मु कश्मीर पुलिसको संयुक्त टिममाथि आक्रमण भएको हो । आक्रमणमा जम्मु कश्मिर पुलिसका एक जवान मारिएको र एक घाइते भएको दैनिक ट्रिब्युनले जनाएको छ ।

बिहीबार दिउँसो पनि भारतीय सुरक्षा बलमाथि अन्धाधुन्ध फायरिङ भएको थियो । बुधबार श्रीनगरको बाहिरी इलाकामा यस्तै किसिमको आक्रमणमा बीएसएफका २ जवान मारिएका थिए । जम्मु कश्मिर पुलिसका अनुसार ड्युटीमा तैनाज दुई जवान पसलमा सामान लिन गएका बेला आक्रमण भएको थियो ।