काठमाडौं । पाकिस्तानका प्रधानमन्त्री इमरान खानले नेपाल–भारत सीमा विवादको बारेमा बोल्दै मोदी सरकारको आलोचना गरेका छन्। उनले सीमा विवादको विषयलाई उल्लेख नरेन्द्र मोदी नेतृत्वको भारत सरकार छिमेकी देशका लागि खतरा भएको बताएका छन्।

बुधबार ट्वीट गर्दै इमरान खानले हिन्दु अतिवादी मोदी सरकारले नाजीको जस्तो विस्तारवादी नीति लिएको उल्लेख गरेका छन्। उनले ट्वीटरमा लेखेका छन्, ‘बंगलादेशमा नागरिकता कानुनले, नेपाल र चीनसँग सीमा विवादले र पाकिस्तानलाई आक्रमणको धम्की दिएर अभिमानी विस्तारवादी नीति भएकोको हिन्दुत्व श्रेष्ठतावादी मोदी सरकार भारतका छिमेकका लागि खतरा बनिरहेको छ।’

All this after illegal annexation of IOJK, a war crime under 4th Geneva Convention, & laying claim to AJK. I have always maintained the fascist Modi Govt is not only a threat to India’s minorities by relegating them to 2nd class citizens’ status, but also threat to regional peace

— Imran Khan (@ImranKhanPTI) May 27, 2020

यस्तै अर्को ट्विटमा उनले लेखका छन्, ‘काश्मीरलाई अवैध रूपमा ओगटेर भारतले चौथो जेनेभा सम्मेलनअनुसार, युद्ध अपराध गरेको छ । मैले सधैं भन्दै आएको छु कि मोदी सरकार भारतीय अल्पसंख्यकका लागि मात्र नभएर क्षेत्रीय शान्तिका लागि नै खतरा बनेको छ ।’