काठमाडौं । प्रधानमन्त्री केपी शर्मा ओलीले लकडाउनको मोडालिटिबारे विज्ञहरुसँग छलफल गरिरहेका छन्। वैठकमा अर्थव्यवस्था, चिकित्सा, नर्सिङ, सामाजिक क्षेत्रका विज्ञहरुको उपस्थिती रहेको प्रधानमन्त्रीका प्रेस सल्लाहकार सूर्य थापाले जानकारी दिए।

प्रेस सल्लाहकार थापाका अनुसार बैठकमा योजना, अर्थव्यवस्था, चिकित्सा, नर्सिङ, सामाजिक अभियन्ताहरू सम्मिलित बैठकमा २ दर्जनभन्दा बढी व्यक्तित्वहरूको सहभागिता रहेको छ । उपप्रधानमन्त्री तथा रक्षामन्त्री, परराष्ट्रमन्त्री र स्वास्थ्यमन्त्री, स्वास्थ्य सचिवसमेत विज्ञहरूको पनि परामर्शमा उपस्थिति रहेको थापाले सामाजिक सञ्जाल मार्फत जानकारी दिएका छन्।

बैठक प्रधानमन्त्रीको सरकारी निवास वालुवाटारमा जारी छ।