काठमाडौं। लद्दाखमा भारत–चीन सीमामा दुई देशका सैनिकबीच भएको हिंसात्मक झडपमा ३ जना भारतीय सैनिक मारिएको घटनामा भारतीय सेनाले समझदारी उल्लंघन गरेको चीनले आरोप लगाएको छ । चीनका विदेशमन्त्री वाङ यीले भारतीय सेनाले समझदारीको गम्भीर उल्लंघन गरेका कारण झडप भएको बताएको ग्लोबल टाइम्सले जनाएको छ ।

#Indian troops on Mon. seriously violated the consensus of the two sides by illegally crossing the border twice and carrying out provocative attacks on Chinese soldiers, resulting in serious physical clashes: Chinese FM said on reports that 3 Indian soldiers were killed. pic.twitter.com/E1j3GYsAQT

— Global Times (@globaltimesnews) June 16, 2020

सोमबार राती भएको भिडन्तमा भारतका तीन जना सैनिक मारिएका थिए । तीन जनामध्ये एक कर्णेल रहेको बताइएको छ । यहाँ विगत ४५ वर्षमा कुनै पनि पक्षका सैनिक मारिएको पहिलो घटना हो । पछिल्लो समय दुई देशबीच सीमाका विषयमा विवाद बढिरहेका बेला सैनिकको ज्यानै जाने गरी हिंसात्मक घटना भएको हो । सामान्यतया यो क्षेत्रमा हिंसात्मक झडप हुन नदिन दुवै देशका सैनिकले हतियार बोक्दैनन् तर पछिल्लो समय यहाँ सैनिकहरु झगडा गर्ने, एक अर्कालाई नजरबन्दमा राख्ने र सैन्य उपकरण तैनाथ गर्ने गरेका छन् ।