काठमाडौं । गत २४ घण्टामा ६ सय ७१ जना कोरोना संक्रमित थपिएका छन्। यो संगै नेपालमा कोरोना संक्रमितको संख्या ७ हजार ८ सय ४८ पुगेको छ।

स्वास्थ्य तथा जनसंख्या मन्त्रालयले दिएको जानकारी अनुसार गत २४ घण्टामा ५ हजार ७ सय ४६ जनाको पिसिआर परीक्षण गरिएको थियो । जसमध्ये ६ सय ७१ जनामा कोरोना पोजेटिभ देखिएको हो।

हालसम्म १ लाख ५५ हजार ५ सय १८ जनाको पिसीआर परीक्षण गरिएको मन्त्रालयले जनाएको छ ।

जसमध्ये ७ हजार ८ सय ४८ जना कोरोना पुष्टि भएकाछन्,। २२ जनाको कोरोनाका कारण मृत्यु भएको छ भने १ हजार १ सय ८६ जना कोरोना निको भएर घर फर्किएका छन्। यस्तै कोरोना संक्रमित ६ हजार ६ सय ४८ जना आइसोलेसनमा रहेका छन्।

मन्त्रालयले २ लाख ४३ हजार ७५ जनाको आरडिटी परीक्षण गरेको जनाएको छ । हालसम्म १ लाख १६ हजार २ सय १५ जना क्वारेन्टाइनमा रहेका छन्।