वेलिङटन। न्यूजिल्याण्डमा एक व्यक्तिले २ जना पुलिसकर्मीमाथि गोली प्रहार गरेका छन् । प्रहरीको खोजीमा रहेका ती व्यक्तिले शुक्रबार अकल्याण्डमा आउने क्रममा बाटोमा नियमित ट्राफिक जाँचको क्रममा २ जना पुलिसकर्मीमाथि गोली हानेका हुन् । रोयटर्सका अनुसार दुवै पुलिसकर्मी गम्भीर घाइते भएका छन् ।

गोली प्रहार गरेपछि ती व्यक्ति फरार भएका छन् । उनी भागेको क्षेत्रका स्कुल बन्द गरिएको छ र उनको खोजी भइरहेको छ । गत वर्ष यहाँको क्राइस्टचर्चमा ५१ जना मुस्लिमहरुको ज्यान जाने गरी २ मस्जिदमा अन्धाधुन्ध गोली प्रहार भएपछि यहाँ बन्दुकसम्बन्धी कानुन कडा गरिएको छ ।