काठमाडौं । गत २४ घण्टामा ४६३ जनामा कारोना पुष्टि भएको छ । स्वास्थ्य तथा जनसंख्या मन्त्रालयले दिएको जानकारी अनुसार गत २४ घण्टामा गरिएको ४ हजार ९ सय ६२ जनाको पिसीआर परीक्षणबाट ४ सय ६३ जनामा कोरोना संक्रमण पुष्टि भएको हो । यो सँगै कोरोनाबाट संक्रमित हुनेको संख्या १२ हजार ७ सय ७२ पुगेको छ।

यस्तै हालसम्म निको हुनेको संख्या ३ हजार १३ पुगेको छ। जसमा २ सय ५५ जना महिला र २ हजार ७ सय ५८ जना पुरुष रहेको मन्त्रालयका प्रवक्ता डा. जागेश्वर गौतमले जानकारी दिए।

क्वारन्टिनमा बस्नेको संख्या ६१ हजार ७ सय ३१ रहेको छ भने, ९ हजार ७ सय २१ जनाको देशका विभिन्न अस्पतालहरुको आइसोलेसनमा उपचार भइरहेको छ।