काठमाडौं । गोरखामा भएको सवारी दुर्घटनामा नेपाली सेनाका जमदार सहित ४ जना घाइते भएका छन्। गोरखा नगरपालिका–११ को पन्ध्रकिलो मोड नजिकै बुधबार साँझ ५ बजे भएको सवारी दुर्घटनामा १ जना जमदार, १ जना प्यूठ र २ जना सिपाई घाइते भएको जिल्ला प्रहरी कार्यालय गोरखाका प्रवक्ता डिएसपी बासुदेव खतिवडाले जानकारी दिए।

खतिवडाका अनुसार घाइते मध्ये २ जनाको अवस्था गम्भिर रहेकाले थप उपचारका लागि चितवन मेडिकल कलेज लैजाने तयारी भएको छ भने २ जनाको गोरखा अस्पतालमा उपचार भइरहेको छ।

तनहुँको आबुखैरेनीबाट गोरखा आउँदै गरेको नेपाली सेनाको बा १ झ ५८०० नम्बरको गाडिलाई विपरित दिशाबाट आउँदै गरेको लु १ क ३८४६ नम्बरको टिप्परले ठक्कर दिएको प्रवक्ता डिएसपी खतिवडाले जानकारी दिए।