काठमाडौं। नेपाली सेनाको जासुसी विभाग प्रमुख अर्थात महानिर्देशकको जिम्मेवारी उपरथी रथी सरोजप्रताप राणालाई दिइएको छ। मध्य–पश्चिम पृतनापति सुर्खेतमा कार्यरत राणालाई नेपाली सेनाको सासुसी विभाग सैनिक इन्टेलजेन्ट्स (डीजीएमआई) निर्देशनालयको जिम्मेवारी दिइएको हो।

वहालवाला प्रमुख झंकर कठायतले यही साउन १५ गतेदेखि अनिवार्य अवकाश पाउने भएपछि उनको ठाउँमा राणालाई ल्याइएको हो।

राणालाई जासुसी विभागको प्रमुख बनाएपछि उनको ठाउँमा सहायक रथी विज्ञानदेव पाण्डेलाई पठाउने बुझिएको छ। पाण्डे यसअघि सैनिक प्रवक्ताको जिम्मेवारीमा थिए। पाण्डेलाई सुर्खेतको बहानीपति बनाइएपछि सैनिक प्रवक्ताको जिम्मेवारी सहायक रथी सन्तोष बल्भव पौडेललाई दिइएको छ।