काठमाडौं । इङलिश प्रिमियर लिग फुटबल प्रतियोगितामा गत वर्ष सेप्टेम्बरदेखि शीर्ष चारमा रहेको लिस्टेर सिटीलाई बोर्नेमाउथले ४–१ ले पराजित गरेको छ। बोर्नेमाउथ जारी सिजनमा दोस्रो डिभिजनमा रिलिगेट हुने खतरामा छ तर यो जितले टिमलाई शीर्ष डिभिजनमा रहने आशावादी बनाएको छ ।

लिस्टेरले खेलको २३ औं मिनेटमा जेमी वार्डीको गोलबाट अग्रता लियो तर बोर्नेमाउथले दोस्रो हाफमा उत्कृष्ट पुनरागमन गर्यो। लिस्टेरका डोमिनिक सोलन्केले खेलको ६७ औं र ८७ औं मिनेटमा २ गोल गरे भने जुनियर स्टानिस्लासले ६६ औं मिनेटमा पेनल्टीमा गोल गरे।

लिस्टेरले खेलको ८३ औं मिनेटमा जोनी इवान्सबाट आत्मघाती गोल उपहार पायो। कोरोना भाइरस महामारीको कारण लामो विश्राम पछि लिस्टेरले लिगमा कमब्याक पछि खेलेका छ मध्ये केवल एक खेल मात्र जितेको छ ।

खेलमा लिस्टेरले छ अंक प्राप्त गर्दे तेस्रोबाट चौथो स्थानमा झरेको छ। बोर्नेमाउथले पराजित गरेपछि टिमका प्रशिक्षक ब्रान्डन रोडर्सले आफ्ना प्रशंसकहरूसँग माफी मागेका छन। यदि अर्को खेलमा म्यान्चेस्टर युनाइटेडले साउथेम्प्टनलाई हरायो भने, लिस्टेर पाँचौं स्थानमा झर्नेछ। यदि दोस्रो स्थानमा रहेको म्यानचेस्टर सिटीलाई युरोपेली लिगमा खेल्ने दुई बर्षे प्रतिबन्धबाट हटाइएको छैन भने, पाँचौं स्थानमा रहने टिमले च्याम्पियन्स लिगमा स्थान बनाउने छ ।

यता भोल्भरहेम्प्टन पनि पाँचौं स्थानमा उक्लने प्रयास गर्दैछ। आइतवार भएको खेलमा भोल्भरहेम्प्टनले एभर्टनलाई ३–० ले पराजित गर्दै युनाइटेडबाट केवल तिन अंक पछाडि रहेको छ। आर्सेनल र टोटेनहम युरोपा लिगमा स्थान बनाउने दौड छोड्ने अवस्थामा रहेका छन्।

टोटेनहमले आर्सेनललाई ४–१ ले पराजित गर्दै आठौं स्थानमा आफुलाई बलियो बनाएको छ भने शेफिल्ड युनाइटेड सातौं स्थानमा अगाडि रहेको छ। यसैबीच एस्टन विलाले क्रिस्टल प्यालेसलाई २–० ले हराउँदै शीर्ष लिगमा बाँकी रहेका आशाहरू जीवितै राखेको छ ।