आज विक्रम सम्बत २०७७ साल श्रावण ६ गते मंगलबार । सन् २०२० जुलाई २१ तारिख । प्रमादीनाम संवत्सर सूर्य दक्षिणायन। श्रावण शुक्ल पक्षकाे प्रतिपदा तिथि। राति ९:४३ उपरान्त द्वितीय ।  तिष्य नक्षत्र वज्र याेग। सूर्याेदय बिहान ५:२२ सूर्यास्त साझ ६: ५७ मिनेटमा ।

मेष (चु, चे, चो, ला, लि, लु, ले, लो, अ) : कर्मप्राप्तिको योग छ। सोचेजस्तै सफलता मिल्नेछ। सहयोगीहरूले साथ दिनेछन् र उत्साह पनि बढ्नेछ। प्रशस्त धन आर्जन गर्ने मौका छ।

वृष (इ, उ, ए, ओ, वा, वि, वु, वे, वो) :  महत्वपूर्ण काम बन्नेछन्। वैचारिक क्षमता बढ्नेछ। तपाईंको व्यवहारबाट धेरैलाई प्रभाव पर्नेछ।

मिथुन (का, कि, कु, घ, ङ, छ, के, को, हा) : सहयोगीहरूले साथ छाेड्नेछन् व्यवसायिक यात्राबाट नाेक्सान हुने याेग रहेकाे छ ।

कर्कट (हि, हु, हे, हो, डा, डि, डु, डे, डो)  : विशिष्ट व्यक्तित्वसँग भेटघाट होला। मनपर्ने खानपान, वस्त्र, अलंकार आदिबाट आनन्द मिल्नेछ

सिंह (मा, मि, मु, मे, मो, टा, टि, टु, टे) : खर्चकाे मात्रा बढ्नेछ । स्थान परिवर्तन वा टाढाको यात्राका लागि लगानी गर्नुपर्ला। अनावश्यक भेटघाटमा अलमलिनुपर्ला।

कन्या (टो, पा, पि, पु, ष, ण, ठ, पे, पो) : धार्मिक तथा सेवामूलक क्रियाकलापमा मन जाला। राजनीति र नोकरीमा उन्नति हुनेछ। व्यवसायबाट सोचेको लाभ मिल्नेछ।

तुला (रा, रि, रु, रे, रो, ता, ति, तु, ते) : आर्थिक कारोबार गर्दा धोका हुन सक्छ, सचेत रहनुहोला। स्वास्थ्य पनि कमजोर बन्न सक्छ र योजनाअनुसार समयमा काम सम्पादन गर्न नसकिएला।

वृश्चिक (तो, ना, नि, नु, ने, नो, या, यि, यु) : सुरुको समय मनोरञ्जनपूर्ण रहला। धर्मकर्म, समाजसेवा, परोपकार जस्ता प्रतिष्ठा बढ्ने काम हुनेछन्। आम्दानी पनि प्रशस्तै बढ्नेछ।

धनु (ये, यो, भा, भि, भु, धा, फा, ढा, भे) : आफन्तसँग कारोबार गर्दा धोका हुन सक्छ । लामाे यात्रमा निस्कदा विशेष सावधानी अपनाउनु पर्ने देखिएकाे छ ।

मकर (भो,जा,जि,जु,जे,जो,ख,खि,खु,खे,खो,गा,गि)  : रमाइलो यात्रा र मनोरञ्जनमा सहभागी भइएला। व्यावसायिक यात्रा गर्ने मौका आउला। आतिथ्यपूर्ण सम्मान पनि पाइनेछ।

कुम्भ (गु, गे, गो, सा, सि, सु, से, सो, दा) : अप्ठ्यारा चुनौतीहरूलाई पनि सजिलै पन्छाउन सकिनेछ। प्रेम र मित्रताको बन्धन कसिने समय छ। भने अलि अस्वस्थता र नोक्सानीको योग छ, सचेत रहनुहोला।

मीन (दि, दु, थ, झ, ञ, दे, दो, चा, चि) : गुरुजनको साथ पाइनुका साथै बौद्धिक कार्यमा सफलता मिल्नेछ। प्रतिस्पर्धीहरू सजिलै पराजित हुनेछन्।