काठमाडौं। तीन हप्तापछि सुरु हुने इण्डियन प्रिमियर लिग बीचमै छाडेर चेन्नइ सुपरकिंग्सका स्टार ब्याट्सम्यान सुरेश रैना बीचमै भारत फर्किए । विदेशबाट फर्किएपछि क्वारेन्टाइनमा अनिवार्य बस्नुपर्ने नियमअनुसार उनी अहिले क्वारेन्टाइनमा छन् । उनी भारत फर्किएपछि उनी फर्किनुको कारणबारे विभिन्न अनुमान गरिएका छन् । यही बीचमा रैनाले दैनिक जागरणसँग कुरा गर्दै छोराछोरी सबैभन्दा महत्वपूर्ण भएको बताएका छन् ।

रैनाले आफ्ना सन्तानलाई धेरै माया गर्छन् । त्यसमाथि उनका छोरा निकै साना छन् । उनका छोरा रियो मात्रै ५ महिनाका भए । उनकी छोरी ग्रासिया ५ वर्षकी छिन् । यस्तोमा उता दुबइमा चेन्नइ सुपरकिंग्सका दर्जनभन्दा धेरै सदस्य कोरोना संक्रमित पाइएपछि यो भाइरस आफूसँगै परिवारसम्म समेत आउन सक्ने खतरा भएकोले उनी आइपिएल छाडेर फर्किएको विश्वास गरिएको छ । चेन्नइका २ खेलाडीसहित १३ सदस्य कोरोना पोजेटिभ पाइएका छन् ।

चेन्नइ सुपरकिंग्सका बलर दीपक चहर दुई दिनअघि पोजेटिभ पाइएका थिए । अब ब्याट्सम्यान ऋतुराज गायकवाड पनि पोजेटिभ पाइएका छन् । टिमले एक सेप्टेम्बरसम्म क्पारेन्टाइन अवधि बढाएको छ । दुई खेलाडी पोजेटिभ देखिनु र सुरेस रैना सम्भावित खतरा देखेर भारत फर्किनुले अरु खेलाडीलाई पनि प्रतियोगिता छोडेर भारत फर्किन दबाब सृजना गर्ने देखिएको छ । यसरी खेलाडी फर्किन थाले पनि यसले प्रतियोगितालाई नकारात्मक असर पार्न सक्छ ।

अहिलेसम्म आइपिएलको लागि कुनै खतरा देखिइसकेको छेन तर चेन्नइ सुपरकिंग्सका १३ सदस्य पोजेटिभ दखिएपछि प्रश्न उठ्न थालेका छन् । बीसीसीआइका एक अधिकारीले भने ‘यदि केवल एक टिममै १३ केस छन् भने यो सबैको लागि ठूलो मुद्दा हो । सबैभन्दा ठूलो पक्ष यो हो कि के विदेशी खेलाडी आउन डराउँछन् ? किनकि उनीहरु अब यी केसलाई लिएर अधिक सतर्क हुनेछन् । हामीले खेलाडीको मानसिक स्वास्थ्यको पनि ख्याल गर्नुपर्छ ।’