काठमाडौं। गएको असार अन्तिमबाट बन्द रहेको तातोपानी सुख्खा बन्दरगाहा आइतबारबाट सञ्चालनमा आएको छ। करिब ८० दिनपछि तातोपानी नाका हुँदै चिनियाँ सामान नेपाल भित्रिएको सिन्धुपाल्चोकका प्रमुख जिल्ला अधिकारी उमेशकुमार ढकालले जानकारी दिए।

उनले डिसी नेपालसँग भने, ‘आज (आइतबार) चिनियाँ भन्सारबाट छुट भएर कन्टेनर नेपाली भन्सारमा आइपुगेका छन्। भोलिबाट (सोमबार) नेपाली भन्सारले पनि भन्सार पास गर्छ।’

काठमाडौंस्थित चिनियाँ राजदूत होउ यान्कीले आइतबार साँझ ट्वीट गर्दै तातोपानी सुख्खा बन्दरगाहा सञ्चालनमा आएको भन्दै खुशी व्यक्त गरेकी छन्। नेपाल र चीनको सँयुक्त प्रयासमा सुख्खा बन्दरगाहा सञ्चालनमा आएको उनले बताएकी छन्।

राजदूत यान्कीले हाल बन्द रहेको रसुवा नाका पनि छिटै सञ्चालन हुने बताएकी छन्।

I’m glad to hear that Zhangmu(Tatopani) Port has been finally reopened today with joint efforts of China&Nepal! Both Zhangmu(Tatopani) and Jilong(Rasuwa) Ports will work to help ensure the supply of daily necessities in Nepal. May my Nepali friends have a happy Dashain Festival! pic.twitter.com/tSzpG2MSf4

— Ambassador Hou Yanqi (@PRCAmbNepal) October 4, 2020