काठमाडौं । धादिङको थाक्रे गाउँपालिका  १ ढांडे स्थित पृथ्बी लोकमार्गमा गुडिरहेको एक बसमा आगो लागेको छ ।

सोमबार बिहान करिब तीन बजेको समयमा ना ५ ख ६९० नम्बरको बसमा आगो लागेको हो ।
काभ्रे पांचखाल नगरपालिका वार्ड नं ८ घर भएका चालक गोबिन्द थापा चालक रहेको उक्त बस हेटौंडामा सामान्य मर्मत गरेर थप मर्मतका लागि काठमाडौंतर्फ ल्याउँदै गर्दा आगो लागेको जिल्ला ट्राफिक कार्यालय धादिङले जनाएको छ । तार सट भएर आगो लागेको प्रहरीको अनुमान छ ।

बसमा यात्रुहरु थिएनन् । बसमा आगो लागेको प्रहरीलाई खबर प्राप्त हुनासाथ ईलाका प्रहरी कार्यालय गजुरी, प्रहरी चौकी बैरेनी र अस्थाइ प्रहरी पोष्ट सिम्ले बाट समेत खटि गएको प्रहरी टोलीले दमकलको सहयोगमा निभाइएको छ । आगोबाट बसको अगाडि र पछाडिको भाग जलेको छ