काठमाडौँ । नेपाल आयल निगमको रुपन्देही भलवारीस्थित डिपोमा रहेको एक ट्याङ्करमा आगलागी भएको छ ।

डिपोमा तेल खन्याउन लाइनमा रहेको लु १ ख ८१४५ नम्बरको ट्याङ्करमा आगलागी भएको हो । ट्याङ्करमा रहेको ब्याट्री सर्ट भएर आगलागी भएको रुपन्देहीका प्रहरी प्रवक्ता डीएसपी खड्गबहादुर खत्रीले बताए ।

करिब दिउँसो पौने दुईतिर आगलागी भएको र आगलागीबाट ट्याङ्करको अगाडिको केही भाग जले पनि अन्य भौतिक तथा मानवीय क्षति नभएको रुपन्देहीका प्रहरी प्रवक्ता खत्रीले बताए ।

आगो निभाउन निगमको डिपोभित्रै रहेको दमकलको समेत मद्दत लिइएको थियो।