काठमाडौं । पाकिस्तान टीम व्यवस्थापनले रावलपिंडीमा हुने जिम्बाबे विरुद्व पहिलो एकदिवसीय खेलको लागि टोलीको घोषणा गरेको छ । १५ सदस्यीय टोलीमा हैदर अली र अब्दुल्ला शफीकलाई समावेश गरिएको छैन । यस्तै उपकप्तान शादाब खान पनि फिटनेसका कारण टोली बाहिर रहेका छन । सिनीयर ब्याटसम्यान मोहम्मद हफीज र युवा तिव्र गतिका बलर मोहम्मद हसनैन पनि टोली बाहिर रहेका छन । बाबर आजमले पहिलो पटक एकदिवसीय टोलीमा स्थान बनाएका छन ।

पहिलो एकदिवसीयका लागि दुबै टोलीको कोरोना परिक्षण गरिएको छ, र टोलीहरुको क्वारेन्टाईन अवधि पनि सकिएको छ । दुबै टोलीले बिहीवार रावलपिंडी स्टेडियममा अभ्यास गरेका छन । पाकिस्तान क्रिकेट बोर्डले लाहोरमा स्मोगका कारण तीन एकदिवसीय र ३ टी–२० रावलपिंडीमै गराउने निर्णय गरेको छ । खेल बिना दर्शक खाली स्टेडियममा हुनेछ ।

पाकिस्तान टोली : बाबर आजम (कप्तान), इमामुल हक, आबिद अली, फखर जमा, हारिस सोहेल, मोहम्मद रिजवान, इफ्तिखार अहमद, खुशदिल शाह, फहीम अशरफ, इमाद वसीम, उस्मान कादिर, वहाब रियाज, शाहीन शाह अफरीदी, हैरिस रऊफ, मूसा खान।