काठमाडौं। सत्तारुढ दल नेकपाको आन्तरिक विवाद फुटतर्फ धकेलिएपछि नेकपा नेताहरु तरंगित बनेका छन्। पार्टी अध्यक्ष तथा प्रधानमन्त्री केपी शर्मा ओली र अर्का अध्यक्ष पुष्पकमल दाहाल प्रचण्डबीचको विवाद पार्टी विभाजनतर्फ बढेको भन्दै नेताहरुले सामाजिक सञ्जालमार्फत पार्टी एकता जोगाउन आव्हान गरेका छन्।

यसरी आव्हान गर्नेमा पार्टी महासचिब तथा अर्थमन्त्री विष्णु पौडेल, प्रवक्ता नारायणकाजी श्रेष्ठलगायतका नेताहरु छन्।
नेकपा महासचिव पौडेलले पार्टी विभाजनको सँघारमा पुगेको संकेत गर्दै फेसबुकम स्टाटस लेखेका छन्, ‘यतिबेला पार्टी एकता गम्भीर संकटको मोडमा आइपुगेको छ।’
आइतबार खुमलाटारमा ६ जना सचिवालय सदस्यहरुलाई राखेर प्रचण्डले प्रधानमन्त्री ओलीले सँगै जान नसकिने भए अलग जाउँ भनेको बताएपछि नेकपा फुटतर्फ धकेलिएको विश्लेषण हुन थालेको छ। यससँगै नेकपामा खैलाबैला मच्चिएको छ।

नेकपा प्रवक्ता नारायणकाजी श्रेष्ठले पार्टी एकताको रक्षाका निम्ति सक्रिय पहल गर्न सबैलाई अपील गरेका छन्।समाजिक संजाल फेसबुकमा स्टाटस लेख्दै प्रवक्ता श्रेष्ठले पार्टीको बैठक बसेर सबै विषयमा छलफल गर्न समेत माग गरेका छन्। पार्टी एकताको रक्षा निम्ति सबैबाट एउटै कुरामा इमानदार प्रतिवद्धता भए पुग्ने भन्दै उनले पार्टीको विधि, पद्धति एवं निर्णयको पालना र कार्यान्वयन गर्नुपर्ने पनि उललेख गरेका छन्।

यस्तै रामकुमारी झाँकी्रले पार्टी किन फूट्ने होला ? अनि कसले फूटाउने होला ? ट्विटरमार्फ प्रश्न गर्दै अब पार्टी फूटाएर पार्टी सदस्य र समर्थकको दिमाग नखान नेतृत्वलाई आग्रह गरेकी छन्।

पार्टी किन फूट्ने होला? अनि कसले फूटाउने होला? सबै थोक गर्न दिएकैछ/पाएकै छन।अब पार्टी फूटाएर त्यो बैभव पाउने पनि होईन।पार्टी सदस्य र समर्थकको दिमाग किन खाएको होला?

— Ram kumari Jhakri (@Jhakri_didi) November 1, 2020

यस्तै भीम रावलले विधि,प्रणाली र संस्थागत निर्णय पार्टी सञ्चालन र मतभेद व्यवस्थापनका मूल आधार भएको भन्दै तत्काल स्थायी कमिटीको बैठक बोलाउन माग गरेका छन्। रावलले ट्विटरमार्फत कसैले फुट र विखण्डनको बाटो समाते देश र जनताप्रति गद्दारी र नेकपा विरूद्धको अपराध हुनेबताएका छन् । उनले समझदारी,एकता र देशहित मनमा राखी समस्या समाधान गर्न समेत सुझाएका छन्।

विधि,प्रणाली र संस्थागत निर्णय पार्टी सञ्चालन र मतभेद व्यवस्थापनका मूल आधार हुन्।स्थायी कमिटीको बैठक तुरून्त बोलाइयोस् ।यी कुराको अवज्ञा गरी कसैले फुट र विखण्डनको बाटो समाते देश र जनताप्रति गद्दारी र नेकपा विरूद्धको अपराध हुनेछ।समझदारी,एकता र देशहित मनमा राखी समस्या समाधान गरौं।

— Bhim Rawal, PhD (@BhimRawal179) November 1, 2020

यस्तै शंकर पोखरेलले फेसबुकमा स्टाटस लेख्दै विवादका वेला जिम्मेवार व्यक्तिले मैले के भने, मेरो धारणा के हो भनने ख्याल नगर्दा सदैव आग्रह मिसिने भन्दै आक्रोस पोखेका छन् ।

रामप्रसाद सापकोटाले प्रचण्डको बिरुद्धमा बोल्नेलाइ काउन्टर दिएका छन्। फेसबुकमा स्टाटस लेख्दै अब कसको कति सुरक्षित भनेर अर्को चुनावसम्म हेर्ने धैर्यता गर्न समेत भनेका छन् ।

यस्तै गोकुल बास्कोटाले सिद्धान्त र संगठनात्मक प्रणाली सहितको सङकट नभएको भन्दै लेनदेनको ब्यापारीक स्वार्थमा अडेको एकता अर्को सम्झौता पछि समाधान हुने कुरा उल्लेख गरेका छन् ।