काठमाडौं। कोरोना संक्रमितले अब टेलिमेडिसिनका लागि चिकित्सकहरुसँग परामर्श गर्न सक्ने भएका छन्। सरकारले परामर्श दिने चिकित्सकहरुको सूचीसमेत प्रकाशित गरेको छ।

स्वास्थ्य तथा जनसंख्या मन्त्रालयले सातै प्रदेशमा एक एक वटा र केन्द्रमा एक कोरोना टेलिमेडिसिन हव सञ्चालनमा ल्याइएको जनाएको छ। मन्त्रालयले सोमबार एक सूचना जारी गर्दै परामर्श दिने ८ जना चिकित्सकहरुको नामसमेत सार्वजनिक गरेको छ।

मन्त्रालयका अनुसार डा. शरदचन्द्र बरालले गण्डकी प्रदेशको पोखराबाट परामर्श दिने छन्।

शेरबहादुर कमारले सेती प्रदेश अस्पताल धनगढीबाट, डा. प्रदीप अधिकारी र डा. कल्याण सापकोटाले भरतपुर अस्पताल चितवनबाट, डा. नवराज केसीले प्रदेश अस्पताल सुर्खेतबाट, विष्णुदत्त पौडेल र डा अच्यूत अधिकारीले वीर अस्पतालबाट, कोशी अस्पतालबाट डा. देनप्रसाद आचार्य र डा. प्रवीनकुमार झाले, लुम्बिनी प्रदेश अस्पताल बुटवलबाट डा. सुदर्शन थापा र सुरेन्द्र कुँवर तथा जनकपुर अस्पतालबाट डा. रामदेव चौधरीले परामर्श दिने मन्त्रालयले जनाएको छ। मन्त्रालयले चिकित्सकहरुको मोबाइल नम्बर र इमेल आईडीसमेत दिएको छ।