काठमाडौं। शनिबार गाई तिहार। राष्ट्रिय प्रजातान्कि पार्टी (राप्रपा)को कुनै बेलाको चुनाव चिह्न पनि गाई। शनिबार राप्रपाका अध्यक्ष कमल थापाले गाई पूजा गरेको तस्वीरसहित एक स्टाटस सामाजिक सञ्जालमा पोस्ट गर्दा उनले राजनीतिक रंगसमेत मिसाएका छन्।

कमल थापाले गाई चुनाव चिह्न गुमाउनुपरेको भन्दै यसमा पीडा बोध भएको उल्लेख गरेका छन्। दोस्रो संविधानसभा चुनावमा गाई चिह्न लिएर चुनाव लडेको राप्रपाले ३४ सिट समानुपताकिमा जित्न सफल भएको थियो।

तर, तीन टुक्रा भएको राप्रपाबीच एकीकरण हुँदा हाल राप्रपाको चुनाव चिह्न हलो भएको छ। अध्यक्ष थापाले गाई चिह्नका लागि पशुपति शमशेर राणा र डा. प्रकाशचन्द्र लोहनीलाई मनाउन नसकेको भन्दै पीडा बोध भएको जनाएका छन्।

आज गाई पुजा गर्दा भाव विह्वल भएं।
पार्टी एकताको नाममा राप्रपाको लोकप्रिय र सर्वाधिक उपयुक्त चुनाव चिन्ह ‘गाई’ गुमाउनु पर्दाको पिडा फेरि एकपटक वोध भयो। हिन्दुराष्ट्रको एजेण्डा बोकेको पार्टीकोलागि ‘गाई’ चिन्ह ठीक हुन्छ भनेर पशुपतिजी र प्रकाशजीलाई सहमत गराउन नसक्नु मेरै कमजोरी हो। pic.twitter.com/mthSi7ZPJH

— Kamal Thapa (@KTnepal) November 15, 2020