काठमाडौं।, निकिशा भनेरे चिनिने निकेश श्रेष्ठलाई दुर्व्यवहार गर्ने तीनजना पक्राउ परेका छन्। श्रेष्ठमाथि दुर्व्यवाहर गरेको भिडियो सामाजिक सञ्जालमा भाइरल भएको थियो। र उनीहरुलाई कारबाही गर्न सामाजिक सञ्जालमा अभियान नै शुरु गरिएपछि प्रहरीले एक्शन लिएको हो।

पक्राउ पर्नेमा विशेष जोशी, सफिल खत्री र एक जना किशोर छन्। उनीहरूलाई भक्तपुर प्रहरीले बिहीबार पक्राउ गरेको हो। उनीहरू तीनै जना भक्तपुरका भएको प्रंहरीले जनाएको छ।

सफिलले स्कुटर चलाएका र उनको पछाडि बसेका विशेषले श्रेष्ठमाथि लैंगिक विभेद् गर्दै अपशब्द प्रयोग गरेको भिडियो खिचेका थिए। घटना २ मंसिरको हो।
उक्त भिडियो विशेषले सामाजिक सञ्जालमा पोस्ट गरेपछि भाइरल भएको थियो।