एजेन्सी। इंग्लिस प्रिमियर लिग फुटबलमा शनिबार ४ खेल सम्पन्न भएका छन भने आज (आइतबार) पनि ३ खेल हुँदैछन्। आइतबार हुने खेलमा लिग लिडरको दौडमा रहेको टोटनह्यमले बलियो प्रतिस्पर्धी चेल्सीको सामना गर्दैछ।

दोस्राे स्थानको टोटनह्यमले तेस्रो स्थानको चेल्सीलाई उसकै घरेलु मैदानमा हराउन सके अंकतालिकाको शिर्ष स्थानमा उक्लिने छ। लिगको उपाधि दावेदार दुबै टिमबीचको खेल नेपाली समय अनुसार राति सवा १० बजे सुरु हुनेछ।

यस्तै आइतबारनै हुने अर्को खेलमा यो सिजन खराब सुरुवात गरेको १३ स्थानको म्यानचेस्टर युनाइटेडले ५ औं स्थानको साउथह्याम्टनको सामना गर्नेछ। भने राति हुने अर्को खेलमा आर्सनल र वल्भ्सबीच प्रतिस्पर्धा हुनेछ।

शनिबार भएको खेलमा लिग लिडरको दौडमा रहेकोे साविक विजेता ब्राइटनसँग १–१ गोलको बराबरीमा रोकिएको हो। ब्राइटनको घरेलु मैदानमा सुरुवाती अग्रता जोगाउन नसक्दा लिभरपुलले बराबरी खेलेको हो।

ब्राइटनसँग बराबरीमा रोकिएपनि लिभरपुल शीर्ष स्थानमा उक्लिएको छ। लिभरपुलले १० खेलमा २१ अंक जोडेको छ। ब्राइटनको भने १० अंक जोडेर १६ औं स्थानमा रहेको छ।

यस्तै लिग अन्र्तगतकै अर्को खेलमा म्यानचेस्टर सिटीले फराकिलो जित निकालेको छ। शनिबार राति भएको खेलमा सिटीले बर्नलीलाई ५–० गोल अन्तरले पराजित गरेको हो ।घरेलु मैदानमा सिटीलाई जित दिलाउन रियाद महरेजले ह्याट्रिक गरे।

यस्तै बेन्जामिन मेन्डी र फेरान टोरेसले एक एक गोल गरे। जितसँगै सिटी लिगको आठौं स्थानमा उक्लिएको छ। सिटीले ९ खेलमा १५ अंक जोडेको छ। बर्नली ५ अंक जोडेर १७ औं स्थानमा रहेको छ।

गएरातिनै सम्पन्न अर्को खेलमा लिड्स युनाईटेडले एभर्टनलाई पराजित गरेको छ। शनिबार राति भएको खेलमा लिड्सले एभर्टनलाई १–० गोल अन्तरले पराजित गरेको हो। एभर्टनको मैदानमा लिड्सलाई जित दिलाउन राफिन्हाले निर्णायक गोल गरे।

जितसँगै लिड्सले १० खेलमा १४ अंक जोडेको छ। लिड्स तालिका ११ औं स्थानमा समेत उक्लिएको छ। भने एभर्टन १६ अंक जोडेर छैटौं स्थानमा रहेको छ।

यस्तै लिगअन्र्तगतको अर्को खेलमा वेस्ट ब्रुमले सेफिल्डलाई १–० ले हराएको छ। जितसँगै ६ अंक जोडेको वेस्ट ब्रुम १७ औं स्थानमा उक्लिएको छ। १ अंक जोडेको सेफिल्ड पुछारमा रहेको छ।