काठमाडौं। धादिङबाट काठमाडौतर्फ ल्याउँदै गरेको ५० किलोग्राम चरेशसहित एक जना पक्राउ परेका छन्। धादिङको गल्छी गाउँपालिका ८ बस्ने ३५ बर्षीय दिपक मगर ‘पोल्याण्ड’ ५० केजी चरेशसहित पक्राउ परेका हुन्।

सो लागुऔषध काठमाडौतर्फ विक्री गर्ने उदेश्यले ल्याउँदै गरेको अवस्थमा सशस्त्र प्रहरीको विशेष इन्टेलिजेन्स ब्यूरोले शनिबार अबेर ९ बजेतरि मगरलाई पक्राउ गरेको हो। लागुऔषधसँगै एउटा मोटरसाइकल र एउटा मोबाइल पनि बरामद गरेको गरेको छ।

सशस्त्र प्रहरी बलका प्रवक्ता डीआईजी राजु अर्यालले ५० केजी चरेशसहित मगरलाई पक्राउ गरेर नेपाल प्रहरीलाई बुझाइएको बताए।