काठमाडौं। आइतबार नेपालमा थप ५८८ जनामा कोरोना भाइरस संक्रमण पुष्टि भएको छ । देशभर ४६२० जनाको पीसीआर परीक्षण भएको छ ।

योसँगै नेपालमा कोरोना संक्रमितको कुल संख्या २ लाख ५३ हजार ७७२ पुगेको छ । स्वास्थ्य तथा जनसंख्या मन्त्रालयका अनुसार नेपालमा सक्रिय संक्रमितको संख्या ८ हजार ३२० रहेको छ ।

पछिल्लो २४ घण्टामा १०९७ जना निको भएका छन् । हालसम्म संक्रमणमुक्त हुनेको संख्या २ लाख ४३ हजार ६६४ पुगेको छ । पछिल्लो २४ घण्टामा ११ जना थपिएसँगै कोरोनाका कारण ज्यान गुमाउनेको संख्या १ हजार ७८८ पुगेको छ।

यस्तै हालसम्म ४२१ जना क्वारेन्टिनमा रहेका छन् ।