लण्डन (एजेन्सी)। इङलिश प्रिमियर लिग अन्तर्गत शनिबार भएको टोटनह्याम र लिड्स युनाइटेडबीच भएको खेलमा टोटनह्याम विजयी भएको छ। शनिबार सम्पन्न खेलमा टोटनह्यामले लिड्स युनाइटेडलाई ३–० गोल अन्तरले पराजित गरेको हो।

टोटनह्यामको जितमा ह्यारी केन, सन हेंग मिन र टोबी अल्डेरवेइर्डले एक एक गोल गरेका थिए। त्यस्तै खेलको ९२ औं मिनेटमा टोटनह्यामका माट डोहेर्टीले रातो कार्ड पाएका थिए।

जितपछि टोटनह्यामको १६ खेलमा २९ अंक हासिल गरेको छ र टोटनह्याम लिगको तेस्रो स्थानमा उक्लिएको छ।

त्यस्तै लिड्स युनाइटेडको भने १७ खेलमा २३ अंक रहेको छ र लिगमा ११औ स्थानमा रहेको छ।