काठमाडौं । मंगलबार नेपालमा ५ हजार ३ सय पीसीआर परिक्षण गर्दा थप ४३० जनामा कोरोना भाइरस संक्रमण पुष्टि भएको छ ।

योसँगै नेपालमा कोरोना संक्रमितको कुल संख्या २ लाख ६५ हजार ६९८ पुगेको छ । स्वास्थ्य तथा जनसंख्या मन्त्रालयका अनुसार नेपालमा सक्रिय संक्रमितको संख्या ४ हजार ४०८ रहेको छ ।

पछिल्लो २४ घण्टामा ३९० जना निको भएका छन् । हालसम्म संक्रमणमुक्त हुनेको संख्या २ लाख ५९ हजार ३५८ पुगेको छ । पछिल्लो २४ घण्टामा ५ जना थपिएसँगै कोरोनाका कारण ज्यान गुमाउनेको संख्या १ हजार ९३२ पुगेको छ।

यस्तै हालसम्म २३७ जना क्वारेन्टिनमा रहेका छन् । हालसम्म १९ लाख ९२ हजार ८५५ जनाको पीसीआर परिक्षण गरिएको छ ।