काठमाडौं । प्रधानमन्त्री कप राष्ट्रिय एकदिवसीय क्रिकेट प्रतियोगिता अन्तर्गत बिभागिय टोली नेपाली पुलिस क्लबले सुदुर पश्चिम प्रदेशलाई ९ विकेटले सहजै पराजित गरेको छ । पु्लिस क्लबको जितमा ओपनर कुशल भुर्तेलले अविजित अर्धसतकिय पारी खेले । ४४ बलको सामना गरेका कुशलले ९ चौंका र एक छक्का प्रहार गरे । अर्का ओपनर सुनील धमलाले पनि अर्धसतकिय पारी खेले । हेमन्त धामीको बलमा अरुण ऐरीको हातबाट क्याच आउट हुनअघि धमलाले ५७ बलको सामना गर्दै ५३ रन बनाए । उक्त क्रममा उनले ६ चौंका र २ छक्का प्रहार गरे । पुलिसका अमित श्रेष्ठ १ रनमा अविजित रहे ।

यसअघि टस हारेर ब्याटिङ गरेको सुदुर पश्चिम प्रदेशले निर्धारित ५० ओभरको खेलमा ३३ ओभर १ बल खेल्दै सबै विकेट गुमाएर मात्र ११० रन बनायो । टोलीका लागि ओपनर खड्ग बोहोरा (४०), सन्जु धामी (३५), अरुण ऐरि (१३) र अर्जुन साउदले (११) रन बनाउनु बाहेक अन्य खेलाडीहरुले दोहरो अंकमा रन बनाउन सकेनन । सुपप्रलाई सस्तैमा समेटन पुलिसका सागर ढकाल र दिपेन्द्र सिंह ऐरिले समान ४–४ विकेट लिए । दिपेन्द्र सिंह ऐरिले ६ ओभर १ बलमा २ मेडन सहित १० रन खर्चिदा सागरले १० ओभरमा ३ मेडन सहित १८ रन खर्चिए । खेलको म्यान अफ द म्याच पुलिसका सागर ढकाल भए ।