काठमाडौं । प्रधानमन्त्री कप राष्ट्रिय एकदिवसीय क्रिकेट प्रतियोगितामा आईतवार भईरहेको खेलमा प्रदेश २ का ओपनर हरिशंकर साहले अर्धसतक प्रहार गरेका छन । सुदुर पश्चिम प्रदशेसँगको खेलमा टस हारेर पहिले ब्याटिङ गरेको प्रदेश २ का लागि ओपनर साहले अर्धसतक प्रहार गरेका हुन । उनले अर्धसतक प्रहार गर्ने क्रममा ६२ बलको सामना गरे । ६० रनमा शेर मल्लको बलमा बोल्ड हुनु अघि साहले ७३ बल खेल्दै ९ चौंका प्रहार गरेका थिए ।

टस हारेर पहिले ब्याटिङ गरेको प्रदेश २ ले यो समाचार तयार पार्दा सम्म ४ विकेट गुमाएर १२२ रन बनाएको छ । प्रदेश २ का लागि हरिशंकरले ६० रन बनाउदा बिवेक यादव २० रन बनाएर खेलिरेहका छन । सुदुरपश्चिम प्रदेशका लागि हेमन्त धामी, भोजराज भट्ट, शेर मल्ल र नरेन्द्र साउदले समान १–१ विकेट लिएका छन ।