काठमाडौं । प्रधानमन्त्री कप राष्ट्रिय एकदिवसीय क्रिकेट प्रतियोगितामा आईतवार भईरहेको खेलमा वाग्मती प्रदेशका ओपनर आदिल खानले अर्धसतक प्रहार गरेका छन । लुम्बिनी प्रदेश बिरुद्वको खेलमा टस जितेर पहिले ब्याटिङ गरेको वाग्मती प्रदशेका लागि ओपनर साहले अर्धसतक प्रहार गरेका हुन । उनले अर्धसतक प्रहार गर्ने क्रममा ७५ बलको सामना गरे । ५५ रनमा अनील खरेलको बलमा आउट हुनु अघि आदिलले ८७ बल खेल्दै ५ चौंका र ३ छक्का प्रहार गरेका थिए ।

टस जितेर पहिले ब्याटिङ गरेको वाग्मती प्रदेशले यो समाचार तयार पार्दा सम्म ४ विकेट गुमाएर १३१ रन बनाएको छ । वाग्मती प्रदशेका लागि अर्का ओपनर ३९ रन बनाएर आउट हुदा पृथु वास्कोटाले २९ रन बनाएर आउट भए । लुम्बिनी प्रदेशका लागि दिपेन्द्र रावतले २ विकेट लिदा बिक्रम भुषाल र अनिल खरेलले समान १–१ विकेट लिएका छन ।