काठमाडौं। शुक्रबार नेपालमा ३ हजार २२१ जनाको पीसीआर परीक्षण गर्दा थप १५७ जनामा कोरोना भाइरस संक्रमण पुष्टि भएको छ ।

योसँगै नेपालमा कोरोना संक्रमितको कुल संख्या २ लाख ७० हजार ७४५ पुगेको छ । स्वास्थ्य तथा जनसंख्या मन्त्रालयका अनुसार नेपालमा सक्रिय संक्रमितको संख्या ३ हजार २२ रहेको छ ।

पछिल्लो २४ घण्टामा ३३३ जना निको भएका छन् । हालसम्म संक्रमणमुक्त हुनेको संख्या २ लाख ६५ हजार ६९८ पुगेको छ । पछिल्लो २४ घण्टामा कोरोनाका कारण ५ जनाको मृत्यु भएको छ । हालसम्म कोरोनाका कारण ज्यान गुमाउनेको संख्या २ हजार २५ पुगेको छ।

यस्तै हालसम्म १११ जना क्वारेन्टिनमा रहेका छन् । हालसम्म २० लाख ६४ हजार ८१ जनाको पीसीआर परीक्षण गरिएको छ ।