काठमाडौं। आइतबार नेपालमा थप १०५ जनामा कोरोना भाइरस संक्रमण पुष्टि भएको छ । देशभर ३ हजार ३०८ जनाको पीसीआर परीक्षण गर्दा १०५ जना संक्रमित भेटिएका हुन् ।

योसँगै नेपालमा कोरोना संक्रमितको कुल संख्या २ लाख ७० हजार ९५९ पुगेको छ । स्वास्थ्य तथा जनसंख्या मन्त्रालयका अनुसार नेपालमा सक्रिय संक्रमितको संख्या २ हजार ५९४ रहेको छ ।

पछिल्लो २४ घण्टामा २८८ जना निको भएका छन् । हालसम्म संक्रमणमुक्त हुनेको संख्या २ लाख ६६ हजार ३६६ पुगेको छ । पछिल्लो २४ घण्टामा २ जना थपिएसँगै कोरोनाका कारण ज्यान गुमाउनेको संख्या २ हजार २९ पुगेको छ।

यस्तै हालसम्म १०२ जना क्वारेन्टीनमा रहेका छन् । हालसम्म २० लाख ७१ हजार ७ जनाको पीसीआर परीक्षण गरिएको छ ।