काठमाडौं । अबुधाबी टी१० लिगमा नेपाली राष्ट्रिय क्रिकेट टोलीका अलराउण्डर करण केसी आवद्ध टिम पुने डेभिल्स परजित भएको छ । आइतबार भएको खेलमा पुने टिम अबुधाबीसँग ५ विकेटले पराजित भएको हो ।

पुनेले दिएको १ सय ३० रनको लक्ष्य अबुधाबीले ८ ओभर ३ बलमा ५ विकेट गुमाएर पुरा गर्यो । आबुधाबीको जितमा जेमी ओभर्टनले अविजित ३८ रन जोडे । यस्तै जोइ कार्ल्कले २९ रन जोड्दा पाउल स्ट्रर्लिङले २३ रन बनाए ।

पुनेका हार्डुस भिलजोइनले ३ विकेट लिए । यस्तै करणले १ विकेट लिए । टी–१० लिगमा पहिलो विकेट लिने क्रममा करणले क्रिस गेललाई पहिलो बलमै ९ रनमा बोल्ड आउट गरे ।

यस अघि पहिले ब्याटिङ गरेको पुनेले १० ओभरमा ४ विकेट गुमाएर १ सय २९ रन बनाएको थियो । पुनेका टम काडमोरले अविजित रहदै ६१ रनको अर्धशतकीय इनिङ्स खेले ।

यस्तै वाल्टनले २३ रन जोड्दा थोमसले २१ रन बनाए । अबुधाबीका ओबेड म्याककोयले २ विकेट लिए ।