काठमाडौं। नेपालमा कोरोनाका कारण मृत्यु हुनेको संख्या २ हजार २९ जना रहेको छ। पछिल्लो २४ घण्टामा नेपालमा कोरोनाका कारण हुने मृत्यु ‘शुन्य’ रहेको छ।

पछिल्लो २४ घण्टामा थप १५९ जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको कुल संख्या २ लाख ७१ हजार ११८ पुगेको छ । स्वास्थ्य तथा जनसंख्या मन्त्रालयका अनुसार नेपालमा सक्रिय संक्रमितको संख्या २ हजार ४८९ रहेको छ ।

पछिल्लो २४ घण्टामा २६४ जना निको भएका छन् । हालसम्म संक्रमणमुक्त हुनेको संख्या २ लाख ६६ हजार ६०० पुगेको छ । यस्तै, हालसम्म ९७ जना क्वारेन्टिनमा रहेका छन् । हालसम्म २० लाख ७५ हजार १५२ जनाको पीसीआर परीक्षण गरिएको छ ।