काठमाडौं। शनिबार थप ९९ जनामा कोरोना भाइरस संक्रमण पुष्टि भएको छ ।

योसँगै नेपालमा कोरोना संक्रमितको कुल संख्या २ लाख ७१ हजार ८०६ पुगेको छ । स्वास्थ्य तथा जनसंख्या मन्त्रालयका अनुसार नेपालमा सक्रिय संक्रमितको संख्या १ हजार ९५९ रहेको छ ।

पछिल्लो २४ घण्टामा २४८ जना निको भएका छन् । हालसम्म संक्रमणमुक्त हुनेको संख्या २ लाख ६७ हजार ८१२ पुगेको छ । नेपालमा कोरोनाका कारण मृत्यु हुनेको संख्या २ हजार ३५ पुगेको छ। पछिल्लो २४ घण्टामा कोरोनाका कारण शून्य मृत्यु भएको छ ।

यस्तै, हालसम्म ९५ जना क्वारेन्टीनमा रहेका छन् । हालसम्म २० लाख ९१ हजार १६६ जनाको पीसीआर परीक्षण गरिएको छ ।