काठमाडौं । नेपाली क्रिकेट खेलाडी कुशल मल्लले डेब्यु गरेको टी– १० लिगमा उनि आवद्ध टिम अबुधाबी विजयी भएको छ । शनिबार सम्पन्न खेलमा टिम अबुधाबीले कलन्दर्सलाई २१ रनले पराजित गरेको छ ।

शनिबार तेस्रो स्थानको लागि भएको खेलमा कलन्दर्सले टस जितेर फिल्डिङ रोजेको थियो । टिम अबुधाबीले ब्याटिङ गर्दै निर्धारित १० ओभरमा ६ विकेटको क्षतिमा १२४ रन बनायो । अबुधाबीका नजिबुल्लाह नदरानले ४५ रन बनाए । यस्तै पौल स्टर्लिङले २६ रन बनाए । कलन्दर्सविरुद्धको खेलमा डेब्यु गर्दै नेपाली अलराउण्डर कुशल मल्लले १२ बलमा १८ रनको योगदान दिए । उनले यस क्रममा एक छक्का र एक चौका समेत प्रहार गरे । कलन्दर्सका मोहम्मद जैनले २ विकेट लिए ।

एक सय २५ रनको विजयी लक्ष्य पछ्याएको कलन्दर्सले १० ओभरमा पाँच विकेट गुमाउँदै मात्र १०३ रन बनाउन सक्यो । त्यसका लागि डेनियल डरमण्डले ४६ रन बनाए । अबुधाबीका रोहन मुस्ताफाले २ विकेट लिए ।