काभ्रेपलाञ्चोक । कुटपिट गरी आफ्नै बाबुको हत्या गरेको अभियोगमा एक जना पक्राउ परेका छन् । पाँचखाल नगरपालिका–७ जोरपिप्ले बस्‍ने ३८ वर्षीय राजु गौतमलाई शुक्रबार बिहान प्रहरीले पक्राउ गरेको हो ।

राजु र उनका बाबु ५५ वर्षीय बलराम गौतमबीच घरायसी विषयमा विवाद भएपछि राजुले कुटपिट गर्दा बलरामको घटनास्थलमै मृत्यु भएको प्रहरीले जनाएको छ । खबर प्राप्त हुनासाथ प्रहरी चौकी पाँचखालबाट खटिएको टोलीले राजुलाई पक्राउ गरेको हो ।

यस सम्बन्धमा थप अनुसन्धान गरिरहेको प्रहरीले जनाएको छ ।