काठमाडौं। साताको पाचौं दिन बिहिबार (आज) सुन चाँदीको मूल्यमा गिरावट आएको छ। बिहिबार सुनको मूल्य ६ सयले घटेको हो। बुधवार छापावाला सुनको मूल्य प्रतितोला ८९ हजार ८ सय रहेको थियो। आज तोलामा ६ सयले सुनको मूल्य गिरावट आइ ८९ हजार २ सयमा कारोबार भइरहेको नेपाल सुनचाँदी व्यवसायी महासंघले जनाएको छ।

त्यस्तै आज तेजावी सुनको मूल्य ८८ हजार ७ सय ५० रहेको छ।

आज प्रतितोला चाँदीको मूल्य ५ रुपैयाँले गिरावट आएको छ। बुधवार प्रतितोला १३ सय ४० रुपैयाँमा कारोबार भएको थियो। आज मूल्य गिरावट आइ प्रतितोला चाँदी १३ सय ३५ रुपैयाँमा कारोबार भइरहेको छ।